Mzuri sana Husaina Wallahi na kuapia

Giza ilitueneya hapo ulipouliwa

1. Ee mwema mwana amani, umekufa kishahidi
   Kunusuru hasa dini, ya wetu Mola wadudi
2. Umejitolea muhanga, ewe mwana wa Hashima
   Ili kuhifadhi mwanga, Nuru kubwa ya Karima
3. Kila lote la azizi, kwa Rabuna umetoa
   Bila kujali ajizi, hadi kufa kuokoa
4. Wanao wenye tohara, Nduguzo waso kifani
   Masahaba we imara, umetoa uwanjani
5. Kunusuru haki kweli, mfano wako kuiga
   Ujabali wenye dhili, kupambana bila woga
6. Kuishi na madhalimu, kamwe neema hapana
   Ni kudhili jahanamu, maisha hayana maana