Subject Index 
Search
Announcements
Feedback
Ya Husaini Bin Ali

  1. Kwajina lako Jalali nasema yenye ukweli

    2. Ya Husaini Bin Ali niwe nikihadithia

  2. Mama yake ni Fatima, na babu yake Hashima

    3. Na Madina mji mwema, ndiko aliko zaliwa

  3. Na Sayidi na Husain, kaka yake ni Hasan

    4. Akiwapenda amini, kisha akiwa sifia

  4. Mtume amebaini, ya kama huyu Husaini

    5. Na mwingine ni Hasani, Peponi wataingia

  5. Yaani wao ni mabwana, wa peponi vijana

    6. Subhana maulana, wote amewaridhia

  6. Ni mwezi wa Shabani, alozaliwa Husain

    7. Na siku yake yakini, ni jumanne sikia

  7. Mwaka wa nne Hijira, Ndio kazawa mbora

    8. Na siku ya saba mara, kamwakikiya Nabia

  8. Mtume kamwadhinia, sikioni Ia kulia

    9. Kinywa kamsugulia, kwa mate alafunua

  9. AIikuwa ni mzuri, wa umbo la kunawili

    10. Sura kama ya Bashiri, kwani kamshabihia

  10. Akipigania dini, kwa udhati moyoni

    11. Hajali nini na nini, ila dini ya jalia

  11. Husaini akiwa Maka, aliupata waraka

    12. Kuwa aende haraka, Iraqi kum-baiya

  12. Watu wangu simameni, Twende Iraqi mjini

    13. Aliwambia Husseini, Nao wakafuatia

  13. Husseini aliambiwa, Huko acha kuendea

    14. Twakusihi kusikia, Huko hapatakufaa

  14. Abdallah wa Abasi, Kasema kinga nafusi

    15. Zao japo wafuasi, Japo na watoto pia

  15. Wende wewe peke yako, Sio na ahali zako

    16. Bwana kwa hisani yako, Shika ninayo kwambia

  16. Bwana Husseini kasema, Kwenda huko ni lazima

    17. Litalonipata nijema, Mimi nimesafi nia

  17. Nikenda wakiniuwa, Peponi nitaingia

    18. Kwani nimesafi nia, Dini kuisimamia

  18. Liwalo lote na liwe, Iraqi ni paendewe

    19. Sio mimi niofie Niache kupaendea

  19. Hapo Seyyidi Husseini, Katoka Makka mjini

    20. Na watu wake sabini, Wote wakamfatia

  20. Wenye farasi yakini, Walikuwa thalathini

    21. Wengine arubaini, Kwa miguu ilikuwa

  21. Alipokuwa njiani, Wakazidi yakini

    22. Mia moja khamsini, Ndio waliozidiya

  22. Hao miya khamsini, Walirudia njiani

    23. Hawakumfata Husain, Hadi Iraqi sikiya

  23. Husseini na watu wake, Ni Iraqi Wapafike

    24. Na taabu iwafike, Kwa humo Karbala

  24. Mto ulio karibu, Nae Husseini Muhubi

    25. Alizuiwa ajabu, Na maadui kutumia

  25. Maji wakazuiliwa, Wasiwe wayatumia

    26. Kambi akajipigia, Bwana Husseini sikia

  26. Akawa maji anyimwa, Huku kiu Chawauma

    27. Watoto wanalalama, Kwa vile wanaumia

  27. Husseini na watu wake, Ati wao wateseka

    28. Na maji yasitumike, Kunywewa na watu hawa

  28. Hapo Husseini hakika, Vikali aliteseka

    29. Watoto walalamika, Baba! Baba! twaumia

  29. Jeshi hilo lilikuwa, Kabisa lamzuia

    30. Husseini kukaribia, Maji yale kutumia

  30. Watoto waliumia, Kwa kiu kuwazidia

    31. Kati yao alikuwa, Mtoto mdogo pia

  31. Mtoto huyu ni Ali, Alizidiwa kikweli

    32. Zeinabu binti Ali, Sanasana alilia

  32. Machozi yalimtoka, Mengi yakatiririka

    33. Akayafonza hakika, Mtoto kujimezeya

  33. Zeinabu binti Ali, Ni shangazi lake Ali

    34. Kwa ala kulihali, Machozi maji yakawa

  34. Hata ile siku ya ashura, Kwa mwezi kumi dhahira

    35. Muharamu ndio mara, Wakaanza kuuwawa

  35. Kwanza wafuasi wake, Kisha wa nyumbani kwake

    36. Alibaki ye na chake, Kijitoto kikilia

  36. Umri miezi sita, Hivyo hanavyo matata

    37. Hivyo maji angepata, Yangali msaidia

  37. Mtoto mchanga yule, Wakampiga mishale

    38. Na mtoto pale pale, Aliiaga dunia

  38. Kisha wakamzunguka, Husseini mwenye baraka

    39. Wakamuuwa hakika, Nae kaaga dunia

  39. Baada ya kumuuwa, Hema moto walitia

    40. Hata wakawachukua, Banati zake Nabiya

  40. Wakawafanya mateka, Kisha wakawapeleka

    41. Huko Kufa kupafika, Bila kuwahurumia

  41. Ni kwa Ibni Ziyadi, Ndiko iliko wabidi

    42. Gavana wake Yazidi, Yeye ndie alikiuwa

  42. Hivyo watu wa Iraqi, Walikataa haki

    43. Kumuuwa mwenye haki, Kipenzi chake Nabia

  43. Kuuwawa kwa Husseini, Ni jambo lenye huzuni

    44. Katu haiwezekani, Machozi kuyazuia

  44. Machozi shuti kutoka, Na watu kuhuzunika

    45. Kwa kipenzi msifika, Kinyume alofanyiwa

  45. Ewe Seyyidi Husseini, Ulotoka duniani

    46. Kwa kupigania dini, Peponi wenda ingia

  46. Umekufa ni shahidi, Hivyo ni kama zawadi

    47. Allahu Mola wadudi, Shahidi kakwandikia

  47. Waswalatu wa Salamu, Zimfikie Hashimu

    48. Na Husseini Muadhamu, Na walio bakiya

    Na: Saidi Musa
    ZANZIBAR

     

    ALLAMAH SAYYID SAEED AKHTAR RIZVI ASEMA:

    Imam Hassan na Imam
    Husain (a.s.) wameuhurisha
    Uislamu kutokana na utumwa wa
    Wafalme na hivyo basi, wameuhifadhi
    kutokana na uharibifu daima. Wafalme
    watakuja, na Wafalme watakwenda,
    lakini Uislamu utadumu milele. Kwa
    Uislamu, majina matakatifu ya Hassan
    na Husain yataangaza milele.