Na Muhammad Amini

Na Anza nudhumuhini

Kwa Machungu na Kuliya

Siku hizi za Ashura

Twazitaja kila mara

Kwa kubwa mno hasara

Maadui walotiya

Kiswache cha tuumiza

Na roho kutuunguza

Hatuwezi kunyamaza

Mashingo kuvumiliya

Twadhihirisha Majonzi

Kwa Imamu na kipenzi

Na nyoyo zina simanzi

Kwa haya yalotokea

Twakumbuka siku hini

Ya vilio na huzuni

Ya kuuwawa Huseini

Mjukuu wa Nabiya

Wallahi Tunakatika

Machozi ya miminika

Mitilizi inashuka

Hatuna budi kuliya

Huseini kudhulumiwa

Kwa machungu kuuliwa

Kanyimwa maji kupewa

Yeye na wake dhuriya

Hata watoto wachanga

Wasibali kuwanyonga

Kwa mishale kuwadunga

Na maji kuwazuwiya

Wakamchinja Huseini

Bila kite na imani

Mjukuu wa Amini

Pasina kuzingatiya

Na kicha kukitundika

Kwa shangwe wakizunguka

Kwa mizozo na dhihaka

Kwa kipenzi cha Nabiya

Tuliye kiliyo gani

Tudhihirishe Imani

Kwa kiongozi wa dini

Huyu walo tuuliya

Walomuuwa Imamu

Wakashika yake damu

Hao ndio madhalimu

Tarikhi inatwambiya

Bila shaka yupeponi

Yeye na tumwa Amini

Owe nao makhaini

Huseini kutuuliya

Kula alo muumini

Atajawa na huzuni

Kwa kifo chake Huseini

Kipenzi cha Hashimiya

Na mengi tukiyaeleza

Maovu ya kuchukiza

Ya akili kushangaza

Na moyo kutosheya

Tumefika kikomoni

Tushukuru Manani

Atupe nyingi Imani

Ya dini kusimamiya

Muliyoko Hadhirani

Amina kikieni

Rabi atiye auni

Dini kuipiganiya